Ginjaw Ginra, Salawng kawng grup yin hta KIA hte Myen hpyen dap ni laja lana gasat poi byin
Ginjaw Ginra Ginwang Ginjaw, KIA Masat (5) Dap Ba ginra Salawng Kawng (Tower shadaw) grup yin hta April shata 30 ya jahpawt hkying 2:00am kaw nna 2:40am aten laman, Myen hpyen Jet Fighter nbung li (2) hte numdaw 6 lang bawm wa jahkrat, gap bun ai lam nga ai rai nna, hkying 5:00am aten du hkra laja lana gasat poi byin ai re lam chye lu ai.
KIA Masat (5) Dap Ba ginra ,Alen Kawng shingdu lup wa kawng mayan hta Myen hpyen dap ni kaw nna laknak kaba 122mm hte hkying 10:00am aten hta (2) lang, hkying 11:00am kaw nna hkying 11:30am aten laman numdaw (11) lang hte hkying 12:50pm kaw nna 1:15pm aten laman hta numdaw (5) lang gap bun ai re lam shawng lam shi sawk ni kaw nna chye lu ai.
April shata 30 ya shana hkying 8:33pm aten hta mung, KIA Masat (5) Dap Ba, Masat (25) Dap Dung ginra, Jaw Maw hpyen man maga de Myen hpyen Jet nbung li (1) hte bawm wa jahkrat bun ai lam nga ai re hpe
KIA Masat (2) Dap Ba, Masat (14) Dap Dung ginra hta mung April shata 30 ya shani hkying 10:30am aten hta Nam Hkam mare kaw dap jung nga ai Hk.L.Y (74) kata na hpyen hpung ni hte KIA hpyen hpung ni Nam Hkam mare hpunggyi jawng grup yin kaw laja lana gasat poi byin ai re lam shawng lam shi sawk ni shana wa ai.
Ya aten Myen hpyen dap kaw nna gasat gala majan simsa ai lam hpe shata mi nhtoi jat ndau shana da ai raitim shani shagu hpyen n gun jat nga ding yang re hte majan mung ding yang shani shagu byin taw nga ai re lam shawng lam shi sawk ni tsun dan ai kaw nna chye lu ai.
