Ginjaw Komiti a 2025 ning shaning ninghpaw wunli la akyu hpyi hpawng galaw
Wunpawng Mungdan Shanglawt Asuya, Ginjaw Komiti a 2025 ning shaning ninghpaw wunli la akyu hpyi hpawng hpe galaw ai lam chye lu ai.
January shata praw 1 ya jahpawt hkying 7:00am aten hta Wunpawng Mungdan Shanglawt Asuya, Ginjaw Komiti a 2025 ning shaning ninghpaw wunli la akyu hpyi hpawng lamang hpe Mung Seng Yang Golf pa kaw galaw la lu sai re.
Hpawng lamang hta Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyen Dap Dap Up Daju, Du Daju Jum Nban La a 2025 ning shaning ninghpaw shatsam mungga hpe Ninggawn Amu Madu kaw nna, hti shalai ya ai lam galaw ai.
2025 ning shaning ninghpaw wunli la akyu hpyi hpawng hta Wunpawng Mungdan Shanglawt Asuya Ginjaw Komiti salang ni hte Magam Dap, Makan dap hkan na magam gun ni sa du shanglawm ai hte galaw la lu sai re.
Matut nna Wunpawng Mungdan Shanglawt Hpung Ginjaw Komiti Tingnyang Up a 2025 ning shaning ninghpaw shatsam mungga hpe Magap Dap, Makan shagu hte hpyen yen dabang ni hta mung madat hkamla ai lam galaw ai hpe chye lu ai.
