Ginjaw Komiti a 2026 ning shaning ningnan wunli wungau sharawt akyu hpyi hpawng galaw
Wunpawng Mungdan Shanglawt Hpung, Ginjaw Komiti a 2026 ning shaning ningnan wunli wungau sharawt akyu hpyi hpawng hpe January shata praw (1) ya jahpawt hkying 7:00am aten, Ginjaw Ginra kaw galaw ai lam chye lu ai.
Hpawng hta Wunpawng Mungdan Shanglawt Hpung, Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyen Dap Dap Up Daju, Du Daju Jum Nban La a 2026 ning shaning ningnan shatsam mungga hpe Du Up Daju Wawn Mayat Shadang (AUD) kaw nna hti shalai ya ai lam galaw ai.
Nawku hpung woi sara ni kaw nna mung mara raw akyu hpyi ai lam, wunli la akyu hpyi ai lam ni galaw ai rai nna, dai ni na hpawng hta Ginjaw Komiti salang ni, Amyu shayi ni, Magam Dap Makan Dap hkan na magam gun ni hte nawku hpung woi sara ni shanglawm ai hte galaw la lu sai re.
