Ginjaw Mungchying sha masat lekmat a lam hte seng nna tsun sang lang dan ai lam galaw

Ginjaw Mungchying sha masat lekmat a lam hte seng nna Mungshawa ni hpe June, 22 ya jahpawt hkying 9:30am aten kawn hkying 11:00am aten laman Laiza Muklum Manau Wang, Majoi Gawknu kaw Immigration kaw na Ginjaw Matsun Du Du Kaba Chyinyu La Ring kawn tsun sang lang dan ai.

Wunpawng Mungdan Shanglawt Asuya a Mungchying Sha Masat Lekmat ( NRC ) hpe asak hpring sai ni yawng hkum ding dik galaw la ra na, Ru di masha, Mungdan masha hte Mai gan masha ngu ai ni hpe tsun sang lang nna Mai gan Mungdan masha ni hpe num jaw num la ai lam hta tsun sang lang ning mu jahpaw na matu hpe yaw shada ai re lam chye lu ai.

Bai, ( NRC ) lekmat hpe Yi, Sun, Hkauna lamu ga thing but hting ra madu lekmat jaw wa ai shaloi madun lu ai ni hpe sha jaw na re lam, Jawngma mying bang ai shaloi Kanu Kawa a ( NRC ) lekmat hte bang ra na, Jak rung jak rai jahpan ni hpe mung ( NRC ) lekmat hte jahpan bang hkap la na lam, Modo, Cycle Driver လိုင္စင္ ni hpe mung ( NRC ) hte sha galaw ya mat wa na re nga nna tsun ai. Lai sai ten Myen mung asuya a Mungchying sha masat hte jai lang galaw nga ai ni hpe Wunpawng Mungdan Shanglawt Asuya a Mungchying Sha Masha Lekmat hte bai galai galaw jai lang mat wa ya na re nga nna tsun ai.

Sang lang hpawng hta Muklum kata na salang ni hte Mungshawa ni yawng marai ( 200 ) jan sa du shang lawm madat hkam la ai lam chye lu ai.