Ginwang Daw Du, Ninghtawn Uphkang Du ni hpe wunkat galaw

Sinpraw Ginwang Ginjaw kata na Ginwang Daw Du ni hte Ninghtawn Uphkang Du ni a langai lang na lawu tsang hpu-awn wunkat hpe Masat (3) Dap Ba Wun Gau Bum, Htoi Gintawng Gawknu kaw September shata 8-11 laman galaw la lu sai lam chye lu ai.

Wunkat galaw ai lam hte seng nna wunkat yu reng komiti amu madu Salang Kaba Jangmaw La Awng tsun ai hta, “Uphkang Du ni hpe atsam ningja sharawt ya lu na matu, langai hte langai a mahkrum madup garan kachyan hkat la na matu, buga ginra langai hte langai na mung shawa ni a nga sat nga sa maru mayak ni hpe chye lu na matu hte uphkang du ni galaw ra ai makan lit hte chye ging chye ra ai lam ni hpe hpung jat sharin ya dat lu na lam re” nga nna tsun ai.

Langai lang na lawu tsang hpu-awn wunkat hpe Sinpraw Ginwang Ginjaw Uphkang Du, Ningtau Uphkang Du, Tara Rung Amu Madu, Komiti Amu madu hte Du Kaba PSO ni wunkat jaw ai lam chye lu ai.

Wunkat hta Sinpraw Ginwang Ginjaw kata na Uphkang Du ni marai 58 shanglawm hkaja ai rai nna, matut nna mung COVID-19 ana zinli aten masa hta hkan nna marai 50 jan hpe wunkat matut jaw sa wa masing nga ai lam chye lu ai.

Photo Credit; Jangmaw La Awng