Gumshem Myen Balik hpyen hpe KIA ni hkap gap gasat
KIA Masat (9) Dap Ba, Masat (6) Dap Dung ginra, Seng Tawng dap jung nga ai gumshem Myen Balik hpyen hpe September shata 21 ya shana maga hkying 5:30pm aten daram hta KIA ni hkap gap gasat ai lam chye lu ai.
Seng Tawng Lawk (1) kaw nga ai Laksan Masat (30) na gumshem Myen Balik mari (4), modo 1 hte rawt wa ai kaw, KIA ni hkap gap gasat dat ai lam, shawng lam shiga lawk kaw na chye lu ai.
September shata 20 ya shani hta mung, Maw Wan Pan Tin mahkrai kaw lai wa lai sa mungshawa modo ni hpe san jep nga ai gumshem Myen Balik hpyen hpung ni hpe KIA ni lanak kaba hte sa gap bun ai lam nga ai.
Dai hpang Pan Tin Balik dap shawng kaw nga taw ai Balik marai (10) daram hpe mung, bawm hte bai sa kapaw bun ai lam chye lu ai.
KIO ginjaw ginra, Nam San Yang hpyen man hte Madi Yang hpyen man maga de, September shata 22 ya jahpawt hkying 3:00am aten kaw nna, gumshem Myen hpyen hte KIA, pawng hpawm hpyen hpung ni laknak kaba hte gap gasat hkat nga ai lam, shawng lam na lit nga ai salang ni kaw na chye lu ai.
