Gumshem Myen hpyen arung arai htaw Modo hte Sanghpaw (3) hpung ni hpe KIA ni hkap shingla gasat
KIA Masat (3) Dap Ba, Masat (12) Dap Dung ginra, Kata kawn hpyen shamu shamawt lung wa ai Gumshem Myen hpyen la hte hpyen arung arai htaw Modo langai, Sanghpaw (3) hpung ni hpe September shata 26 ya shana maga hkying 3:20pm aten hta, KIA hpyen hpung ni kawn Chyauk Talung mare lawu kaw hkap shingla gasat ai lam chye lu ai.
Jahpawt hkying 6:20am aten Kata kawn shamu shamawt lung wa ai Tank Modo (1), hpyen n-gun (90) daram htaw ai Sanghpaw (3) hpung ni hpe KIA Dap Dung (12) hpyen hpung ni Sinat laknak kaba hte hkap shingla gasat ai rai nna, matut lai lung wa ai hpe Chyauk Talung mare hte Shwi Pung Ta lapran kaw KIA Dap Dung (5) ni bai hkap shingla gasat ai re lam, shawng lam na lit nga ai salang ni tsun ai kaw na chye lu ai.
Ya ten Jinghpaw Mung hte Mungmyit Sinli Ga (Kachin Sub-state) ginra de Gumshem Myen hpyen dap ni hpyen shamu shamawt htu shadut ai lam dingyang galaw nga ai majaw, KIA, Kokang MNDAA hpyen hpung ni hte Gumshem Myen hpyen dap ni gasat gala jahkring hkring byin nga ai lam chye lu ai.
