Gumshem Myen hpyen Balik dap langai hpe KIA pawng hpawm hpung ni gasat zing madu la lu
Jinghpaw- Sagaing jarit, Indaw Ginwang, gumshem Myen hpyen dap, Mawlu Balik dap hpe December shata 13 ya jahpawt KIA pawng hpawm hpyen hpung ni gasat zing madu la lu ai lam chye lu ai.
Hpyen n-gun 30 hte 40 grup yin nga ai gungshem Myen hpyen Mawlu Balit dap hpe December shata 13 ya jahpawt hkying 2:30am aten kaw na htim gasat ai hta hkying 6:30am aten laman, gasat zing madu la lu sai lam shawng lam shi sawk ni kaw na chye lu ai.
Gasat gala majan byin nga ai ten, Mu Nyin kaw dap jung nga ai, gumshem Myen hpyen dap ni laknak kaba gap garum ya ai rai nna, gasat gala majan byin ngut ai hpang gumshem Myen hpyen dap ni Jet Fighter hte bai wa gap bun ai a majaw, Mawlu mare kaw nga ai mungmasha ni hprawng koi yen nga ai re lam chye lu ai.
Gasat gala majan hta gumshem Myen hpyen balik dap hpyenla si sum ai lam law ai rai nna, Myen hpyen bawng masha lu rim la ai lam nga ai hte machyu pala laknak ni hpe mung, lu zing madu la lu ai lam matut chye lu ai.
