Gumshem Myen Hpyen Dap a hpyen arung arai htaw shalai ai Sanghpaw, Mawdaw ni hpe KIA ni hkap gap
KIA Masat (3) Dap Ba npu, Masat (12) Dap Dung ginra, Ka Ta kawn lung wa ai Gumshem Myen hpyen n-gun (70) daram hte arung arai htaw, htap (2) Sanghpaw langai hpe Bu Kung hte Shwi Ku Lay lapran kaw June shata 8 ya shani hkying 12:50pm aten KIA Dap Dung (12) hpyen hpung ni hkap gap kapaw kau ya ai lam chye lu ai.
KIA Masat (5) Dap Ba npu, Masat (19) Dap Dung ginra hta mung June shata 8 ya jahpawt hkying 9:00am aten Daw Hpum Yang kawn pru wa ai Gumshem Myen hpyen arung arai htaw Mawdaw (5) hpung ni hpe Laja Yang mahkrai rap na hkyen ai kaw KIA hpyen hpung ni hkap gap ai lam nga ai.
Jahpawt hkying 8:45am aten hta sha, Daw Hpum Yang Hk.L.Y (142) dap kawn Hka Ya maga de arung arai wa sa ai Gumshem Myen hpyen Mawdaw (14) hpung ni hpe KIA Dap Dung (19) hpyen hpung ni Na Lung makau kaw sinat kaba hkap gap bun ai rai nna, hkying 1:5pm aten hta mung Man Sai hte Loi Mawk lapran kaw bawm hkap adem bun ai lam, shawng lam na lit nga ai salang ni tsun ai kaw na chye lu ai.
