Gumshem Myen hpyen dap a lagaw lata, P.T.Ts dap hpe KIA ni wan nat jahten

KIA Masat (9) Dap Ba, Masat (26) Dap Dung ginra hta April shata 28 ya jahpawt hkying 4:10am aten laman, KIA pawng hpawm hpyen hpung ni Chaung Wa P.T.Ts dap hpe wan nat jahten kau ya ai lam chye lu ai.

Dai P.T.Ts hpyen dap ni gaw gumshem Myen dap ni a lagaw lata tai nga ai hpyen dap rai nna, wan nat jahten kau ya ai majaw, Lung Tung P.T.Ts dap maga de hprawng shang mat sai lam lit nga ai shawnglam salang ni kaw na chye lu ai.

Hpyen dap wan nat jahten kau ya ai majaw, jahpawt hkying 5:30am kaw nna, hkying 6:00am aten daram du hkra gumshem Myen hpyen dap ni dap jung shara jahkrat nga ai Ginsi Byuha kawng hte Tanggau bum post kawn, Anang Camp maga de 105mm ngu maram lu ai laknak kaba si gap bun ai lam chye lu ai.