Gumshem Myen hpyen dap hpe KIA ni laknak kaba hte sa gap gasat

Mungmyit Sinli Ga (Kachin Sub-State), KIA Masat (6) Dap Ba, Masat (9) Dap Dung ginra hta June shata 11 ya shana hkying 8:40pm aten daram hta Kutkai kaw dap jung ai gumshem Myen hpyen Hk.L.Y (45) dap hpe KIA ni sinat kaba hte sa gap bun ai lam na chye lu ai.

KIA ni sa gap bun ai hpang gumshem Myen hpyen dap ni gaw, na yi chyen mi daram na hkra, sinat kaji kaba bai nhtang shangoi ai re lam, ginra masha ni kaw na chye lu ai.

June shata praw 10 ya shani hta mung, Namhkai Hka mahkrai maga na lagaw lam hte rawt wa ai gumshem Myen hpyen Hk.L.Y (45) dap na hpyen hpung ni hpe KIA ni  Namhpalun mare ntsa kaw hkap gap ai kawn gasat poi byin ai re.

June shata praw 10 ya shani hta sha, gumshem Myen hpyen Hk.L.Y (242) dap hte Kutkai P.T.Ts pawng hpawm hpung ni nga ai Shuhkin Ta Kawng Post hpe KIA hpyen hpung ni laknak kaba hte 3 lang sa gap bun ai lam chye lu ai.

၎

င

၎

၎