Gumshem Myen hpyen dap hpe KIA ni sa htim gap gasat zing kau

KIA Masat (9) Dap Ba, Masat (6) Dap Dung ginra, Kasen Bum kaw dap jung shara jahkat nga ai Hk.M.Y (119) gumshem Myen hpyen dap hpe August shata praw 7 ya jahpawt 5:00am aten daram kaw nna, KIA pawng hpawm hpyen hpung ni sa htim gap gasat zing kau lu ai lam chye lu ai.

Hkying 8:30am aten daram hta gaw, gumshem Myen dap hpe KIA pawng hpawm hpyen hpung ni gap gasat zing kau lu nhtawm, hpyen lang arung arai ni hpe mung, padang dip la lu ai lam, shawnglam shiga lawk kaw na chye lu ai.

Ndai gumshem Myen hpyen dap gaw, Dapnu (33) kata na Hk.M.Y (119) dap ni rai nna, ndai dap ni gaw lai wa lai sa mungshawa ni hpe mung, laja lana san jep shatsang ai ni re hpe mung matut chye lu ai.

Gasat poi byin shara de, Hpakant Byuha Kawng, San Chyoi hte Seng Tawng, maga nga ai gumshem Myen hpyen ni laknak kaba hte hkum mara gap shadam bun ai lam, buga masha tsun ai kaw na chye lu ai.

KIA Masat (9) Dap Ba, Masat (26) Dap Dung ginra hta mung, August shata praw 7 ya shani hta sha, Se Zin mare makau kaw shara jahkrat nga ai Sam Hkyeng (SNA) hpyen dap hpe KIA ni sa htim gap gasat ai lam, ginra shiga lawk kaw na chye lu ai.

၎

င

၎

၎