Gumshem Myen hpyen dap hte KIA ni gasat gala majan byin
KIA Masat (2) Dap Ba, Masat (20) Dap Dung ginra hta June shata 18 ya shani hkying 6:00am aten, gumshem Myen hpyen dap hte KIA ni gasat gala majan byin ai lam chye lu ai.
Lawa Mare Hpunggyi jawng kaw nna, Dum Bung maga de lai lung wa ai gumshem Myen hpyen n-gun (80) daram hpe KIA ni hkap gap ai kawn gasat poi byin ai re.
KIA Masat (3) Dap Ba, Masat (12) Dap Dung ginra hta mung, Lawu Lam (4) Zup kaw dap jung nga ai gumshem Myen hpyen dap Hk.L.Y (56) hte Hk.M.Y (602) Dap na pawng hpawm hpung ni hpe KIA hpyen hpung ni sa htim gap ai lam chye lu ai.
Dai hpang gumshem Myen hpyen dap ni Jet Fighter nbungli (1) hte Pin Chying mare nnan kaw numdaw (2) lang bawm wa jahkrat bun nhtawm, jak sinat hte wa gap sharu bun ai lam, shawng lam shiga lawk kaw na chye lu ai.
Ya aten du hkra, KIA Masat (12) Dap Dung ginra hta lahkawng maga hpyen masa naw shaja hkat nga ding yang re ai lam matut chye lu ai.
Gumshem Myen dap ni gaw, Jinghpaw Mung hte Mungmyit Sinli Ga (Kachin Sub-State), KIA ni dap jung shara jahkrat nga ai ginra de, hpyen shamu shamawt ai lam ni dingyang ngu na galaw nga ai majaw, gasat gala majan laja lana byin wa na lam hpe mungshawa ni hkrit tsang taw nga ai lam, ginra masha ni kaw na chye lu ai.
၎
င
၎
၎
