Gumshem Myen hpyen dap hte KIA ni gasat gala majan byin

Mungmyit Sinli Ga (Kachin Sub-State), KIA Masat (4) Dap Ba, Masat (8) Dap Dung ginra, Kawng Hkam mare lahta kaw, August shata 15 ya shana maga hkying 3:15pm aten hta gumshem Myen hpyen dap hte KIA ni gasat gala majan byin ai lam chye lu ai.

Man Ping kaw nna Nga Rem Dabang maga de lagaw lam hte rawt wa ai Tatma (99) dap na gumshem Myen hpyen n-gun (50) daram hte KIA Masat (39) Dap Dung na hpawng hpawm hpyen hpung ni, Kawng Hkam mare lahta lam Hpunggaw kaw gasat poi byin ai re.

Shwigu kaw nna, Manmaw maga lai lung wa ai gumshem Myen hpyen hka sanghpaw 9 hpe, August shata 16 ya jahpawt hkying 9:00am aten daram hta KIA pawng hpawm hpyen hpung ni, Wema mare makau kaw hkap gap gasat ai lam chye lu ai.

Ndai hka sanghpaw hpung ni hpe gap gasat ai hpang, Shwigu Myen Balik Dap hpe mung, KIA, PDF pawng hpawm hpyen hpung ni Drone hte gap gasat ai lam chye lu ai.