Gumshem Myen hpyen dap hte KIA ni gasat gala majan matut byin

KIO ginjaw ginra, Nam San Yang hpyen man, Lailum Awng Ja mare kaw dap jung shara jahkrat nga ai gumshem Myen hpyen dap hpe, September shata 15 ya jahpawt hkying 5:00am aten daram kaw nna, KIA, pawng hpawm hpyen hpung ni laknak kaba, Drone ni hte bawm sa jahkrat gap gasat ai lam chye lu ai.

Bumre, Hka Ya kaw nga ai gumshem Myen hpyen ni mung, Nam San Yang hpyen man maga de laknak kaba gap bun ai lam, shawng lam na lit nga ai salang ni tsun ai kaw na chye lu ai.

Ginjaw ginra hta shani shagu ngu na gasat poi byin nga ai rai nna, hpyen masa shaja hkat nga ding yang re majaw, gasat poi matut nna naw byin wa mai ai lam, lit nga ai salang ni tsun ai hpe chye lu ai.

Mungmyit Sinli Ga (Kachin Sub-State), KIA Masat (4) Dap Ba, Masat (29) Dap Nawng Dap Dung hpyen hpung ni hte mung, September shata 14 ya shana maga hkying 3:20pm aten hta gumshem Myen hpyen hpung ni gasat poi byin ai re.

Gumshem Myen hpyen dap Hk.L.Y (69) dap ni gaw, Man Pying maga de na shamu shamawt lung wa ten, Kawng Hkam lahta lam hpunggaw kaw KIA ni hkap shingla gasat dat ai lam, ginra shiga lawk kaw na chye lu ai.

၎

င

၎

၎