Gumshem Myen hpyen dap langai hpe KIA ni gasat zing la lu

Mungmyit Sinli Ga (Kachin Sub-state) ginra, KIA Masat (6) Dap Ba, Masat (36) Dap Dung hpyen hpung ni, Mung Hawm Ginwang Daw, Man Hpa kaw dap jung shara jahkrat nga ai, gumshem Myen hpyen dap hpe padang dip gasat zing madu la lu ai lam chye lu ai.

November shata 17 ya shana daw hkying 5:00am jan aten daram hta gasat zing madu la lu sai rai nna, dai gumshem Myen hpyen dap ni gaw Hk.L.Y (567) dap na hpyen hpung ni re ai lam, lit nga ai salang ni kaw na chye lu ai.

Matut nna mung November shata 16 ya shani hkying 10:20am aten daram hta KIA Masat (6) Dap Ba lak san hpyen hpung ni Lung Htang P.T.Ts dap hpe padang dip zing madu la lu sai re.