Gumshem Myen hpyen dap ni Jinghpaw Mungdaw masat ninghtoi manau poi galaw na matu hkyen lajang nga

Gumshem Myen hpyen dap ni kaw na du wa na Jinghpaw Mungdaw masat ninghtoi manau poi hpe galaw na matu, hkyen lajang nga ai lam chye lu ai.

Du na ra ai January shata 10 ya shani hta ang ai, Jinghpaw Mungdaw masat ninghtoi hpe gumshem Myen hpyen dap ni shanhte a (M.P.Hk) dap wang kata, galaw sa wa na matu hkyen lajang nga ai lam, ginra masha ni kaw na chye lu ai.

Manau poi lamang galaw ai hta Nay Pyi Daw kaw na (Ts.K.Ts) gumshem Myen hpyen dap salang ni mung sa du shang lawm na re lam matut chye lu ai.