Gumshem Myen hpyen dap ni KIA ni nga ai de sinat kaba dingyang gap shadam bun nga

Gumshem Myen hpyen dap ni September shata praw 6 ya jahpawt hkying 7:30am aten laman hta KIA ni nga ai Nawng Chyu maga de sinat kaba gap shadam bun ai lam chye lu ai.

Dai gumshem Myen hpyen dap ni gaw Hk.M.Y (438) dap, Masat (616) Rocket dap hte A.M.T (370) dap na hpyen hpung ni rai nna, sinat kaba numdaw hte numdaw gap bun nga ai re lam, lit nga ai salang ni kaw na chye lu ai.

Ya aten hta gumshem Myen hpyen dap ni hpyen n-gun ni hte shamu shamawt nga ai sha n-ga, laknak kaba ni hte dingyang matut manoi gap bun nga ai majaw, KIA ni mung laknak kaba ni hte bai nhtang gap bun ai lam chye lu ai.