Gumshem Myen hpyen dap ni laknak kaba gap bun
Manmaw, Myitkyina lam ntsa Bumre, Hka Ya Bum hte Shwe Nyaung Pin kaw dap jung nga ai gumshem Myen hpyen dap ni, November shata praw 7 ya shani hkying 11:00am aten laman hta laknak kaba hte hkrup mara gap bun ai lam chye lu ai.
Shwe Nyaung Pin kaw dap jung ai Hk.M.Y (321) dap ni, hkying 11:00am aten daram hta laknak kaba 240mm hte Nam San Yang maga de 10 jan lang gap bun ai lam nga ai.
Dai hpang Bumre, Hka Ya Bum kaw nna mung, Nam San Yang, Lailum Awng Ja hte Maisak Pa maga de laknak kaba hkrup mara gap bun ai lam, shawng lam na lit nga ai salang ni kaw na chye lu ai.
Shana daw hkying 3:00pm aten daram hta Hka Ya Bum mayan kaw, gumshem Myen hpyen dap a, Jet Fighter 1 shim lam la ya nhtawm, Helicopter 1 hte arung arai wa jahkrat ya nna, Manmaw maga de yu mat wa ai lam chye lu ai.
November shata praw 6 ya shani hta mung, Na Hpaw gumshem Myen hpyen dap hte Kagam Bum kaw na Myen hpyen dap kaw, Jet Fighter Shimla la ya nhtawm, Helicopter kaw nna, arung arai wa jahkrat da ai lam chye lu ai.
