Gumshem Myen hpyen dap ni laknak kaba hkrup mara gap shadam bun
Hpakant hte Waimaw ginra hta gumshem Myen hpyen dap ni laknak kaba hte hkrup mara gap shadam bun nga ai lam chye lu ai.
July shata 22 ya shana de hkying 3:14pm aten daram hta Hpakant kaw shamu shamawt shara la nga ai, gumshem Myen hpyen dap ni laknak kaba hte hkrup mara gap shadam bun ai majaw, Seng Tawng kyu hpyi bum mayan kaw wa hkrat kapaw ai lam, ginra masha ni kaw na chye lu ai.
Matut nna July shata 21 ya shana hkying 10:57pm hte 11:00pm aten laman hta mung, Myitkyina M.P.Hk kaw na gumshem Myen hpyen dap ni, Waimaw hkran maga de laknak kaba (6) lang jan gap shadam bun ai lam chye lu ai.
Gumshem Myen hpyen dap ni gaw, Hpakant ginra hta laknak kaba ni hte hkrup mara gap shadam bun nga ai sha n-ga, shani shagu nbungli hte mung gap gasat ai lam galaw nga ai re.
Waimaw ginra hta mung, hpyen shamu shamawt htu shadut ai lam ding yang galaw nga ai majaw, gasat gala majan jahkring hkring byin nga ai rai nna, nbungli hte mung gap gasat ai lam ding yang ngu na galaw nga ai hpe chye lu ai.
