Gumshem Myen hpyen dap ni laknak kaba hte gap bun
KIA Masat (5) Dap Ba, Masat (3) Dap Dung ginran, Sama lam numshe kaw August shata 12 ya jahpawt hkying 8:30am aten daram hta gumshem Myen hpyen ni laknak kaba hte gap shadam bun ai lam chye lu ai.
August shata 11 ya shani hta mung, KIA Masat (3) Dap Ba, Masat (12) Dap Dung ginra, We Hku mare mayan kaw shimlam la du nga ai gumshem Myen hpyen ni, Ngabat Gyi Post kaw nna lahta lam (4) mazup mayan de laknak kaba 6 lang gap bun ai lam, shawnglam na lit nga ai salang ni kaw na chye lu ai.
Dai shani hta sha, Mwi Twi Chaung mare kaw nna shamu shamawt htu lung wa ai gumshem Myen hpyen dap Hk.L.Y (121) dap hte Hk.M.Y (319) dap na pawng hpawm hpyen n-gun (40) jan hpung ni hpe KIA ni laknak kaba 6 lang gap bun dat ai hpang, gumshem Myen hpyen ni mung laknak kaba ni hte bai nhtang gap bun ai lam nga ai.
Dai gumshem Myen hpyen hpung ni gaw, Sin Hkan hpang lam maga de bai nhtang yu mat wa sai rai nna, ya aten KIA hte gumshem Myen hpyen ni hpyen masa matut shaja hkat nga dingyang re hpe mung chye lu ai.
