Gumshem Myen hpyen dap ni mare de laknak kaba gap bun ai majaw, mungmasha marai 2 si sum nna, marai 2 hkala hkrum

Mungmyit Sinli Ga (Kachin Sub-state), Kutkai Ginwang, Namhpakka Ginwang Daw, Namhpakka mare kaw dap jung shara jahkrat nga ai, gumshem Myen hpyen dap, Hk.L.Y (123) ni, September shata praw 1 ya shani laknak kaba hkrup mara gap dat ai majaw, mungmasha marai 2 si sum mat nna, marai 2 hkala hkrum ai lam chye lu ai.

Gumshem dap ni gap dat ai laknak kaba Namhpakka Zi Dabang mare kaw wa hkrat kapaw ai hta Salang Zinhtung Zau Doi hte Salang Npawt Pau La yan asak si sum mat nna, Jan Hka Mai hte Jan. Waje Hkawn Nan yan hkala hkrum ai lam chye lu ai.

KIA Masat (6) Dap Ba, Masat (9) Dap Dung ginra hta shamu shamawt chyinglau hkawm ai gumshem Myen hpyen dap hte KIA ni September shata praw 1 ya shani hta gasat gala majan byin ai lam nga ai sha n-ga TNLA hpyen hpung ni hte gumshem Myen hpyen ni mung gasat poi byin nga ai re.

TNLA hpyen hpung ni, August shata 29 ya shani kaw nna, Namhpakka mare kata de wa shang wa ai majaw gumshem Myen hpyen dap ni gaw mare kata de, laknak kaba hkrup mara gap bang ai, ndai zawn mungmasha ni si hkala hkrum wa ai lam, ginra masha ni tsun ai kaw na chye lu ai.

Ndai zawn gumshem Myen hpyen dap ni mungshawa nga ai mare kata de, laknak kaba hkrup mara gap shadam bang ai majaw, ndai man hta sha, Namhpakka mare na mungmasha marai 3 asak si sum, marai 6 gaw tsi tsi hkamla nga ai rai nna, dum nta nkau mung hten za mat ai lam chye lu ai.

၎

င

၎

၎