Gumshem Myen hpyen dap ni, nbungli hte n gun dat bawm jahkrat gasat nga
KIA Masat 8 Dap Ba ginra hte Masat 9 Dap Ba ginra ni hta gumshem Myen hpyen dap ni gaw, nbungli hte n gun dat bawm jahkrat gasat nga ding yang re lam chye lu ai.
KIA Masat Dap Ba, Masat 35 Dap Dung ginra, Namhkyi Maw grup yin shara ni hta March shata 18 ya shani gumshem Myen hpyen dap ni nbungli hte numdaw 2 lang bawm jahkrat gasat ai lam nga ai re.
Dai hpawt daw hkying 10:50am aten hta numdaw kalang shani ka-ang hkying 12:10pm aten hta numdaw 2 lang gap gasat ai, masha hkra hkala gaw, nchye shi ai lam, lit nga ai salang ni kaw na chye lu ai.
Hpakant KIA Masat 9 Dap Ba ginra hta mung, March shata 17 ya shana hkying 11:54pm aten daram hta Tada-U kaw na rawt wa ai Jet nbungli 2 hte bawm wa gap gasat ai lam chye lu ai.
Laning mi jan aten na sai Manmaw hpyen man shara de mung, KIA pawng hpawm hpyen hpung ni hte gumshem Myen hpyen dap ni shani shagu ngu na gasat gala majan matut byin nga ai lam, shawng lam na lit nga ai salang ni kaw na chye lu ai.
