Gumshem Myen hpyen dap ni ramma ni hpe rim lahkawn nga

Gumshem Myen hpyen dap ni ya aten Myen mung kata nga ai ramma ni hpe hpyenla n galaw nmai ladat hte rim lahkawn nga ai hpe chye lu ai.

February shata 16 ya shana maga hkying 4:00pm aten hta Myitkyina Shatapru Naura Pa kaw nga chyai hkawm nga ai, ramma marai 10 jan hpe gumshem Myen hpyen dap ni rim lahkawn mat wa ai lam, ginra masha ni kaw na chye lu ai.

Dai gumshem Myen hpyen hpung ni gaw mungshawa jawn pajero mawdaw hte sa wa nna, Naura Pa kaw nga chyai hkawm nga ai ramma marai 10 jan hpe rim lahkawn mat wa ai re lam, ginra masha ni matut tsun ai.

Ya aten gumshem Myen hpyen dap gaw hpyen masa, mung masa lam amyu myu hta sum machyi nga sai majaw, Myen mung kata nga ai ramma ni hpe hpyenla nla nmai ladat hte ramma yawng hpe rim lahkawn nga ai re hpe chye lu ai.