Gumshem Myen hpyen dap shara (3) hpe KIA ni matut padang dip
KIA Masat (11) Dap Ba, Masat (12) Dap Dung ginra hta dap jung nga ai, gumshem Myen hpyen dap shara (3) hpe KIA ni matut padang dip la lu sai lam chye lu ai.
August shata 21 ya shani Si Sai, Hpung Kung Ley hte Bayin Nawng gumshem Myen hpyen makawp dap shara (3) hpe KIA pawng hpawm hpyen hpung ni padang dip la lu sai lam, lit nga ai salang ni kaw na chye lu ai.
Ndai dap ni gaw Hti Chyai Mya Tawng gumshem Myen hpyen dap a makawp dap ni rai nna, Mya Tawng dap hpe mung KIA pawng hpawm hpyen hpung ni matut htim gasat nga ai lam chye lu ai.
Gasat gala majan byin nga ai shara ni hta gumshem Myen hpyen dap ni gaw, hpyen dap nhkrat sum na matu, nbungli hte bawm jahkrat ninghkap gap gasat nga ding yang re ai hpe matut chye lu ai.
