Gumshem Myen hpyen dap shara (4) hpe KIA ni padang dip
KIA Masat (9) Dap Ba ginra kata dap jung shara la nga ai, gumshem Myen hpyen dap shara (4) hpe KIA ni padang dip la lu sai lam chye lu ai.
June shata 22 ya shani kaw nna, htim gasat hpang ai, gumshem Myen hpyen dap hte Sam Hkyeng P.T.Ts pawng hpawng hpyen hpung ni dap jung nga ai, Woi Lung hte Nyaung Pin hpyen dap hpe KIA pawng hpawm hpyen hpung ni June shata 23 ya shani padang dip la lu sai lam, lit nga ai salang ni kaw na chye lu ai.
June shata 24 ya jahpawt hkying 5:30am aten daram hta mung, Nawng Lut hte Chaung Wa gumshem Myen hpyen dap hpe KIA pawng hpawm hpyen hpung ni matut htim gasat la lu sai lam chye lu ai.
Gasat gala majan byin nga yang gumshem Myen hpyen dap nbungli bawm, laknak kaba ni hte gap garum ya ai lam nga ai sha n-ga, gasat gala majan a majaw, ya aten dai ginra hkan na mungshawa ni hpyen koi yen nga ra ai hpe chye lu ai.
