Gumshem Myen hpyen dap shara (4) hpe KIA pawng hpawm hpyen hpung ni gasat zing la
KIO ginjaw makau Na Hpaw Bum gumshem Myen hpyen dap hte U Ga Shan tai dap hpe KIA pawng hpawm pyen hpung ni, March 21 ya jahprawt hkying 7:00am aten daram hta gasat zing la lu sai lam chye lu ai.
Na Hpaw Bum gaw lai wa sai aten hta KIA hpyen dap rai nna, 1987 ning hta gumshem Myen hpyen dap ni laja lana htim gasat shang wa ai majaw, yen kau da ai hpe 2024 ning March shata 21 ya shani hta KIA pawng hpawm hpyen hpung ni bai gasat zing la lu sai rai nga ai.
Daw Hpum lawu Num Lang kaw dap jung nga ai Hk.M.Y (438) dap hte Hk.M.Y (616) hpe mung, March shata 21 ya jahpawt 6:00am aten daram kaw nna, KIA pawng hpawm hpyen hpung ni htim gasat ai hta dai gumshem dap hpe padang dip gasat zing la lu sai lam, shawng lam na lit nga ai salang ni kaw na chye lu ai.
Gasat poi hta gumshem Myen hpyen dap ni gaw, Jet nbungli hte Y-12 nbungli kaw nna, shani ting ngu na bawm wa jahkrat gap gasat taw nga ai lam chye lu ai.
2024 ning March shata praw 7 ya shani kaw nna, KIA, AA hte pawng hpawm hpyen hpung ni, gumshem Myen hpyen dap hpe htim gasat ai hta nhtoi 15 ya laman tai hpyen dap law law hpe gasat zing la lu sai hpe mung chye lu ai.
၎
င
၎
၎
