Gumshem Myen hpyen dap shara (6) hpe KIA pawng hpawm hpyen hpung ni padang dip zingla
KIA Masat (3) Dap Ba, Masat (15) Dap Dung ginra, Gauri Krung mayan hta dap jung shara jahkrat nga ai, gumshem Myen hpyen dap shara (6) hpe, March shata 17 ya shani lani mi hta sha, jahpawt hkying 7:00am aten kaw na shana maga hkying 3:40pm aten daram hta KIA pawng hpawm hpyen hpung ni padang dip zingla lu sai lam chye lu ai.
KIA pawng hpawm hpyen hpung ni padang dip zingla lu ai shara ni gaw, Hpakawn, Manda, Wan Bum, Bumsen Bum, Sanggang hte Hkalung Krung na gumshem Myen dap ni re.
Ndai zawn gasat gala majan byin ai hta Loi Je Zinlum Bum lam hku hkawm sa hkawm wa mungshawa ni hpe Zinlum Bum kaw dap jung shara la nga ai gumshem Myen hpyen ni pat jahkring da ai lam, ginra masha ni kaw na chye lu ai.
Ya aten hta gumshem Myen hpyen ni shara jahkrat nga ai hpyen dap post ni hpe KIA pawng hpawm hpyen hpung ni htim gasat nga ding yang re hpe mung chye lu ai.
