Gumshem Myen hpyen dap shara lahkawng hpe KIA ni matut htim gasat zing la lu
Sadung Kanpaiti lam kaba ntsa dap jung nga ai, gumshem Myen hpyen dap shara (2) hpe KIA ni matut htim gasat zing madu la lu ai lam chye lu ai.
June shata 11 ya shani Sadung, Kanpaiti lam kaba ntsa dap jung shara jahkrat nga ai gumshem Myen hpyen dap shara mali hpe kalang ta htim gasat ai hta hkying 8:00am aten Bum Tawng, hkying 9:30am aten Deng 13 pawm hpawm shagyit, hkying 10:00am aten Lahpai gumshem Myen hpyen dap hte hkying 5:00pm aten daram hta Sadung Myen byuha dap kaba hpe htim gasat zing madu la lu sai lam, shawnglam lit nga ai salang ni kaw na chye lu ai.
Ndai gumshem Myen hpyen dap shara (4) hpe KIA pawng hpawm hpyen hpung ni dai hpawt hkying 4:00am aten daram kaw na kalang ta htim gasat wa ai hta shara mali hpe padang dip la lu sai lam chye lu ai.
Gasat gala majan byin nga yang shani ka-ang aten daram hta gumshem Myen hpyen dap nbungli hte bawm wa jahkrat bun ai rai nna, Sadung mare mungshawa ni shimlum ai shara ni hta hprawng yen nga ra ai hpe matut chye lu ai.
