Gumshem Myen hpyen hpung ni hpe KIA ni bawm hte hkap gap gasat

Mungmyit Sinli Ga (Kachin Sub-state) KIA Masat (4) Dap Ba, Masat (8) Dap Dung ginra hta hpyen shamu shamawt hkawm nga ai Gumshem Myen hpyen hpung ni hpe Man Dung hte Nam Du lapran kaw August shata 23 ya jahpawt hkying 8:45am aten KIA Dap Dung (8) ni bawm hte hkap gap gasat ai lam chye lu ai.

Gumshem Myen hpyen hpung ni gaw, KIA ni nga ai ginra de hpyen shamu shamawt htu shadut hkawm ai majaw hkap shingla gasat ai rai nna, ya aten Mungmyit Sinli Ga ginra hta Gumshem Myen hpyen dap kawn hpyen shamu shamawt htu shadut nga dingyang re lam, shawng lam na lit nga ai salang ni kaw na chye lu ai.

Laiwa sai August shata 16 ya shani hta mung, KIA Masat (34) Dap Dung ginra, Lahkyang Yang mare makau kaw Gumshem Myen hpyen dap, Hk.L.Y (148) dap ni hte KIA hpyen hpung ni gasat poi byin ai lam chye lu ai.

Ya aten Mungmyi Sinli Ga ginra hta, KIA, Kokang MNDAA ni hte Gumshem Myen hpyen dap ni gasat poi dingyang naw byin nga ai re.