Gumshem Myen hpyen hpung ni hpe KIA ni hkap gap

Ginjaw ginra, Manmaw, Myitkyina modo lam Na Lung mare kaw nna shamu shamawt lung wa ai gumshem Myen hpyen hpung ni hpe July shata praw 5 ya jahpawt hkying 9:30am aten hta KIA ni Hka Ya mare makau kaw hkap gap gasat ai lam chye lu ai.

Dai hpang shana hkying 7:36pm aten hta Hka Ya maga na rawt wa ai, gumshem Myen hpyen hpung ni hte KIA hpyen hpung ni, Awng Ja mare hkai sun makau kaw gasat poi matut byin ai lam chye lu ai.

July shata praw 5 ya shani hta sha, Bumre kaw dap jung shara la nga ai, gumshem Myen hpyen dap ni kawn Nam San Yang hte Mai Sak Pa mare maga de laknak kaba gap shadam bun ai lam mung nga ai re.

Lai Lum Awng Ja kaw shara la nga ai gumshem Myen hpyen dap Hk.L.Y (13) hte Hk.M.Y (103) dap ni kawn KIA ni nga ai maga de sinat kaba hte shawng gap bun ai majaw, KIA hpyen hpung ni mung sinat kaba hte bai nhtang gap bun ai lam chye lu ai.

၎

င

၎

၎