Gumshem Myen hpyen hte KIA ni gasat gala majan matut byin nga
KIA Masat (1) Dap Ba ginra hta shamu shamawt chyinglau hkawm ai gumshem Myen hpyen dap ni hte KIA ni, March shata 19 ya shana maga hkying 4:05pm aten hta Hpung Ing hte Nsawp lapran kaw gasat gala majan byin ai lam chye lu ai.
Gumshem Myen hpyen dap, Hk.L.Y (58), Hk.M.Y (321) hte Hk.M.Y (385) pawng hpawm hpyen hpung ni, modo (12) hte Myitkyina maga de lai yu wa ai kaw KIA ni hkap gap gasat ai kawn gasat poi byin ai re lam, shawng lam na hpyen shisawk ni kaw na chye lu ai.
KIA Masat (9) Dap Ba ginra, Hkun Sa Kawng mayan na mungshawa ni na dum nta hpe jahten hpy kau nna, dap de bai nhtang dawm wa ai gumshem Myen hpyen dap hte Balik dap ni hpe, Malang Dung modo lam shara kaw KIA ni bawm hte hkap shingla gasat dat ai lam chye lu ai.
March shata 18 ya shani hta mung, KIA Masat (1) Dap Ba ginra, Nhkaw Hka mayan kaw, gumshem Myen hpyen dap Hk.L.Y (137) na hpyen n gun 60 daram hte KIA ni gasat poi byin ai. Dai hpang shana daw hkying 4:00pm aten hta Ndawng Bum makau kaw gasat poi matut byin ai lam chye lu ai.
