Gumshem Myen hpyen hte KIA pawng hpawm hpyen hpung ni gasat gala majan matut byin
KIA Masat 8 Dap Ba, Masat (35) Dap Dung ginra, Myunyin Balu Myo makau na gumshem Myen hpyen dap hpe KIA pawng hpyen hpung ni, December shata praw 5 ya shani sa htim gap gasat ai lam chye lu ai.
“Gasat gala gaw dai hpawt kaw na ya hkying 3:30pm aten du hkra matut manoi naw byin nga ai. Tinang Dap Dung (35), Dap Dung (26) hte PDF pawng hpawm ni re” nga nna lit nga ai salang langai tsun ai.
December shata praw 1 ya shani hta mung, KIA Masat 8 Dap Ba, Masat (5) Dap Dung ginra, Ja Ngai Yang Nawng Gam mare kaw dap jung nga ai gumshem Myen hpyen dap hpe KIA pawng hpawm hpyen hpung ni sa htim gasat zing la lu ai lam ni nga ai re.
Mungmyit Sinli Ga (Kachin Sub-state), KIA Masat (10) Masat (2) Dap Dung ginra, Mungji Byuha dap maga na rawt wa ai gumshem Myen hpyen hpung ni hte KIA hpyen hpung ni, December shata praw 3 ya jahpawt hkying 8:13am aten daram kaw nna, hkying 11:00am aten du hkra, Ang Nam Kawng grup yin kaw laja lana gasat poi byin ai lam chye lu ai.
