Gumshem Myen hpyen modo (19) hpung ni hpe KIA ni hkap gap gasat
Myitkyina Ma Pa Hka (M.P.Hk) hpyen dap kawn pru wa ai Gumshem Myen hpyen la (70) daram hte arung arai htaw ai modo (19) hpung ni hpe September shata 30 ya shani hkying 11:20am aten hta KIA Masat (2) Dap Ba, Masat (20) hpyen hpyen hpung ni, Hpa Lap Gadawng kaw hkap gap gasat ai lam chye lu ai.
Gumshem Myen hpyen dap ni gaw, August shata kaw nna KIA Masat (2) Dap Ba ginra de hpyen n gun jat shamu shamawt ai lam ding yang bai galaw wa nga ai lam, shawng lam na lit nga ai salang ni tsun ai kaw na chye lu ai.
KIA Masat (3) Dap Ba, Masat (15) ginra, Nmawk Sam Lung Ja Mare lahta Gawkngu Kawng makau kaw September shata 30 ya jahpawt hkying 10:30am aten kaw nna, shani ka-ang hkying 12:25pm aten du hkra, Gumshem Myen Hpyen Dap, Hk.M.Y (437) Dap na hpyen n gun (40) daram hte KIA ni gasat gala majan byin ai lam chye lu ai.
