Gumshem Myen hpyen ni hte KIA hpyen hpung ni gasat gala majan byin
KIA Masat (3) Dap Ba ginra hta April shata 27 ya jahpawt hkying 7:55am aten kaw nna shana hkying 7:20pm aten laman hta Ge Manai lapran maga de na lung wa ai gumshem Myen hpyen dap hte KIA hpyen hpung ni gasat gala majan byin ai lam chye lu ai.
Gumshem Myen hpyen dap Hk.L.Y (236) hte Hk.M.Y (319) dap na pawng hpawm hpyen n-gun (150) daram gaw, Ge Manai maga de, hpyen man 4 hku nna, htu shadut lung wa ai hpe KIA hpyen hpung ni hkap shingla gasat ai kawn gasat poi byin ai lam chye lu ai.
KIA hpyen hpung ni nga ai shara Deng (9) makau de, April shata 26 ya shani hta mumg, shana hkying 6:10pm aten hta gumshem Myen hpyen dap Hk.L.Y (236), Hk.M.Y (319) dap na pawng hpawng hpyen n-gun (60) daram gaw, Deng (7) maga hku nna shamu shamawt lung wa ai kawn gasat poi byin ai re.
Mungmyit Sinli Ga (Kachin Sub-state),KIA Masat (4) Dap Ba ginra hta mung, Muguk (Bamon) Hpunggyi jawng kaw dap jung nga ai Hk.L.Y (71) dap na hpyen n-gun (20) daram hpe KIA hpyen hpung ni sa htim gasat ai kawn gasat poi byin ai lam chye lu ai.
