Gumshem Myen hpyen ni laknak kaba hte hkrup mara gap bun
Hka Ya Bum kaw shara jahkrat nga ai gumshem Myen hpyen ni June shata 23 ya shana hkying 9:00pm aten daram hta Laiza Muklum makau de laknak kaba 5 lang gap bun ai lam chye lu ai.
Dawhpum Yang Hkangkai Bum kaw shara jahkrat nga ai gumshem Myen hpyen ni mung, dai na hkying 9 hte hkying 10 lapran aten hta Alaw Bum maga de laknak kaba 105mm hte 6 lang gap bun ai lam nga ai.
Pajau Bum maga de mung gumshem Myen hpyen ni laknak kaba hte hkrup mara gap bun nga ai lam mare masha ni tsun ai.
Sinpraw Ginwang Ginjaw, Mai Ja yang maga de mung laknak kaba ni ngoi nga ai lam buga masha ni tsun nga ma ai re.
Dai na hkying 8:00pm aten daram hta Myitkyina ဗလမင္းထင္ mahkrai pawnghpawm shagyit (Gate) kaw KIA Masat (5) Dap Ba, Masat (3) Dap Dung hpyen hpung ni sa gap ai lam chye lu ai.
ဗလမင္းထင္ mahkrai kaw nga ai gumshem Myen hpyen ni mung jak sinat, laknak kaba ni hte hkrup mara gap bun ai lam nga ai. Bai nna helicopter nbungli mung, Myitkyina myo makau grup yin hkan pyen gawai hkawm ai lam, Myitkyina buga masha ni tsun ai kaw na chye lu ai.
