Gumshem Myen hpyen ni, modo hte lung wa ai hpe KIA ni hkap gap gasat

KIA Masat (3) Dap Ba, Masat (1) Dap Dung ginra de hpyen modo 1 hta hpyenla marai 20 daram htaw nna lung wa ai, Gumshem Myen hpyen ni hpe, December shata 31 ya shana maga hkying 4:30pm aten hta Manmaw mile-3 kaw KIA ni bawm hte hkap gap gasat ai lam chye lu ai.

KIA Masat (3) Dap Ba, Masat (12) Dap Dung ginra, Nam Lim Pa mayan shamu shamawt hkawm nga ai, Hk.L.Y (223) Dap na hpyen n gun (40) daram hpung ni hpe December shata 27 ya shani hta mung, KIA ni Hka La Kawng kaw bawm (6) hte hkap gap gasat ai re lam, shawng lam shi sawk ni kawn chye lu ai.

KIA Masat (1) Dap Ba, Masat (7) Dap Dung ginra de hpyen modo (2) hta n gun (50) daram lawm ai, Gumshem Myen hpyen ni hpe, December shata 29 ya shana yup tung hkying 12:00non aten hta KIA hpyen hpung ni, Ntsai Yang hte Hkin Du Ga lapran modo lam kaw hkap gap gasat ai kawn gasat poi byin ai lam chye lu ai.