Gumshem Myen hpyen ni nbungli hte bawm wa jahkrat bun
KIA Masat (3) Dap Ba, Masat (27) Dap Dung ginra, Mya Le hte Kawng Dung mare mayan kaw, August shata 18 ya jahpawt hkying 4:30am aten kaw nna, gumshem Myen hpyen ni nbungli ni hte bawm wa jahkrat bun ai lam chye lu ai.
Nbungli bawm wa jahkrat ngut ai hpang, Awng Tet mare kaw dap jung shara la nga ai gumshem Myen hpyen dap Hk.L.Y (319), Hk.L.Y (602) dap ni hte Manmaw lam Hpanggang Kawng na gumshem Myen hpyen dap Hk.L.Y (47) dap ni mung, ေရနီကန်တာ၊ လယ်ကုန်း hte Mali hka mayan maga de sinat kaba hkrup mara gap shadam bum ai lam, ginra shiga lawk kaw na chye lu ai.
Gumshem Myen hpyen ni sinat kaba hkrup mara gap shadam ai majaw, Mya Le na mungmasha ni gaw Manje hpyen yen dabang hte Kwi Ji Hpunggyi jawng hkan hta koi yen nga ai lam, ginra masha ni tsun ai kaw na chye lu ai.
August shata 17 ya shani hta mung, Shwegu kaw nna Manmaw maga de gumshem Myen hpyen a hka sanghpaw ni lai lung mat wa ai hpang, Shwegu hte Tsing Hkan lapran na Tsing Bung mare hpe gumshem Myen hpyen ni wan nat kau ya ai lam chye lu ai.
