Gwihtu mare kaw nga ai hpyen yen ni hpe Pyi Tu Tsit ni htawt sit shangun
Majan nnan byin wa ai aten Saw Law mare kaw nna hpyen koi yen yu wa ai mungshawa htinggaw 70 jan gaw Gwihtu Pyi Tu Tsit ni lawk 6 ngu masat da ai shara hta wa nga taw ai
hpe March 15 ya shani P.T.Ts ni gaw dai shara hpe hkau na galaw na ngu nna, backhole hte hka hkawng htu kau ai lam, nta ni hpe wan nat kau ya ai lam, wan nat kau ai kaw AG nawku jawng 2 mung hkru lawm mat ai lam, buga masha ni tsun ai kawn chye lu ai.
March 20 ya jahpawt hkying 8:00am atenP.T.Ts ni hpyen yen dabang na mungshawa ni hpe zuphpawng woi galaw ai hta, Gwihtu lawk 6 na lawan ai hku htawt sit ya na lam, Gwihtu mare kaw nna deng 1 daram tsan ai shara hta nta htinggaw mi lap sen manga 500,000 pra bang nna nga shara garan ya na, Nta htingra gaw pe 80 x 100 gang ai shara re lam zuphpawng shanglawm ai mungshawa ni tsun ai kawn chye lu ai.
Ya aten Gwihtu P.T.Ts ni kawn hpyen yen ni hpe atik anang shara htawt sit shangun nga ai majaw, nga shara yakhkak nga ai lam camp na mungshawa langai tsun ai kawn chye lu ai.
