Hepa kaw gasat gala majan byin
KIA Masat (9) Dap Ba, Masat (26) Dap Dung ginra Hepa mare kaw gasat gala majan byin ai lam chye lu ai.
June shata 10 ya jahpawt hkying 4:30am aten daram hta Hepa mare de gumshem Myen hpyen dap hte Sam Hkyeng P.T.Ts (SNA) pawng hpawm hpyen hpung ni hpyen shamu shamawt htu shadut wa ai majaw, KIA pawng hpawm hpyen hpung ni hte gasat gala majan byin wa ai re lam, lit nga ai salang ni kaw na chye lu ai.
Hepa mare kaw June shata praw 4 ya shani hta mung, gumshem Myen hpyen pawng hpawm hpyen hpung ni hpyen n-gun htu shadut shamu shamawt wa ai majaw, gasat gala majan byin wa sai re.
Matut nna Masat (9) Dap Ba ginra rai nga ai, Hpakant Lawnghkang mare hta mung, dai hpawt hkying 8:00am aten daram hta gumshem Myen hpyen dap ni hpyen shamu shamawt nga ai majaw, KIA hte gasat gala majan byin ai re lam chye lu ai.
Ya aten Hpakant ginra hta gumshem Myen hpyen dap ni hpyen n-gun htu shadut shamu shamawt ai lam ni ding yang galaw nga ai majaw, gasat gala majan laja lana matut byin wa na hpe dai ginra na mungshawa ni hkring tsang nga ai lam chye lu ai.
