Hka hpyen tsin yam n-gun awai akyu hpyi hpawng galaw

Wunpawng Mungdan Shanglawt Hpung, Ginjaw Komiti a matsun hte maren, hka hpyen tsin yam n-gun awai akyu hpyi hpawng hpe galaw la lu sai lam chye lu ai.

August shata praw 4 ya shani, Je Yang hka mawru hta byin hkrum hkra ai hka hpyen tsin yam lam ni hta hkan nna, Karai Kasang kaw chyeju wunli hpyi ai n-gun awai akyu hpyi hpawng hpe August shata praw 8 ya jahpawt hkying 8:00am aten galaw la lu sai re.

Akyu hpyi hpawng lamang hpe Laiza golf club, Je Yang hpyen yen dabang hte Hpunlum Yang hpyen yen dabang ni hta galaw la lu sai lam chye lu ai.

Chyeju wunli hpyi ai n-gun awai akyu hpyi hpawng hta Magam Dap, Makan Dap hkan na salang ni, magam gun ni, nawku hpung woi sara ni hte mungchying mungshawa ni sa du shanglawm ai hte galaw la lu sai lam chye lu ai.