Hka Ya bum kaw nga ai Myen hpyen dap ni Mai Sak pa maga de laknak kaba ( 7 ) lang gap bun
KIO ginjaw makau Hka Ya bum kaw nga ai Myen hpyen dap ni, June 21 ya jahpawt hkying 9:00am aten kawn hkying 10:00am aten laman, Mai Sak Pa maga de laknak kaba ( 7 ) lang gap bun ai lam, Mai Sak Pa na salang langai shana wa ai kawn chye lu ai.
Mungmasha ni kaw hkra hkala ai lam gaw nnga ai, ya aten seng ang ai Shanglawt asuya uphkang dap kawn mungmasha ni hpe hkawmsa hkawmwa ai hta sadi maja let hkawmsa na lam tsun sadi jaw tawn ai hpe na chye lu ai.
