Hpaji jawng kaw nbungli hte wa gap gasat ai majaw, jawngma marai 18 si sum nna marai 20 jan hkala hkrum
Rakhine Mungdaw, ကျောက်တော်မြို့နယ် သရက်တပင် mare na hpaji jawng langai kaw gumshem Myen hpyen dap ni nbungli hte wa gap gasat ai majaw, jawngma marai 18 asak si sum nna marai 20 jan hkala hkrum ai lam chye la ai.
September shata 12 ya jahpawt hkying 1:00am aten daram hta သရက်တပင် ပညာပန်းခင်း lahta tsang jawng kaw gumshem Myen hpyen dap ni, Jet nbungli hte pawng 500 bawm lahkawng wa jahkrat gap gasat ai majaw, jawngma marai 18 asak si sum mat nna marai 20 jan hkala hkrum nhtawm, jawng mung hten za mat ai lam, ginra shiga lawk kaw na chye lu ai.
Hkala hkrum ai jawngma ni ya aten tsi rung tsi jaw gawk ni hta tsi tsi hkamla nga ai rai nna, gumshem Myen hpyen dap ni gaw ndai zawn mungshawa ni hpe gap masat tawn let, gap gasat ai re hpe chye lu ai.
Ya aten gumshem Myen hpyen dap hte AA pawng hpawm hpyen hpung ni hpyen masa shaja hkat nga ai sha n-ga, gasat poi mung ding yang byin nga ai lam chye lu ai.
