Hpakant ginra de Myen hpyen dap ni htu shadut nga ding yang re ai majaw, hpyen masa matut shaja hkat nga

Hpakant ginra de gumshem Myen hpyen dap ni n-gun kaba hte htu shadut nga ding yang re ai majaw, hpyen masa matut shaja hkat nga ai lam chye lu ai.

May shata 14 ya shani du hkra, Hpakant ginra de gumshem Myen hpyen dap hte P.T.Ts pawng hpawm hpyen hpung ni n-gun kaba hte ding yang naw htu shadut nga ai majaw, KIA hte shani shagu ngu na gasat gala majan byin nga ai rai nna, lahkawng maga hpyen masa matut shaja hkat nga ai lam, lit nga ai salang ni kaw na chye lu ai.

Gumshem Myen hpyen dap pawng hpawm hpyen hpung ni gaw, lai wa sai April shata htum wa maga kawn, Hpakant ginra de hpyen n-gun htu shadut nga ai shata mi ram du wa sai hta ya aten du hkra, lahkawng maga hpyen masa matut shaja hkat nga ai sha n-ga, gasat gala majan mung shani shagu ngu na byin nga ai lam chye lu ai.

Matut nna Myitkyina Tang Hpre ginra hta mung, gumshem Myen hpyen dap ni hpyen n-gun htu shadut shara la nga nna, hpyen shamu shamawt hkawm ai lam ni ding yang galaw nga ai hpe chye lu ai.