Hpakant ginra gasat gala majan byin
Hpakant ginra hta KIA hte gumshem Myen hpyen dap ni gasat gala majan byin nga ai lam chye lu ai.
June shata 16 ya shana de hkying 4:20pm aten daram kaw nna, Hpakant ginra Maw Wan kaba hte Maw Wan kaji lapran kaw gumshem Myen hpyen dap, P.T.Ts pawng hpawm hpyen hpung ni hte KIA ni gasat gala majan byin nga ai lam, lit nga ai salang ni kaw na chye lu ai.
Gasat gala majan byin nga ai majaw, dai ginra na mungshawa ni hpyen koi yen hkawm nga ai rai nna, ya aten hpyen masa gara hku naw rai nga ai hpe matut sagawn nga ai re.
Hpakant ginra hta gumshem Myen hpyen dap pawng hpawm hpyen hpung ni hpyen shamu shamawt n-gun htu shadut nga ai majaw, gasat gala majan jahkring hkring byin nga ai rai nna, mungshawa ni gap sat hkrum ai lam mung shani shagu ngu na byin nga ai re.
