Hpakant ginra lung seng company bawm yam gudawng kapaw wa ai majaw, masha si hkala hkrum
Hpakant ginra lung seng company bawm yam gudawng kapaw wa ai majaw, mungshawa si hkala hkrum ai hte dum nta arung arai ni hten za hkrum ai lam chye lu ai.
June shata praw 3 ya shani hkying 1:20pm aten daram hta Hpakant Mawsiza, Seng Bum mare na lung seng company bawm yam gudawng kapaw wa ai majaw, company masha marai (3) asak si sum nna, marai (30) daram hkala hkrum mat ai lam, ginra masha ni kaw na chye lu ai.
Matut nna company nta 8, Back-hoe (1), Modo (11) hte mungshawa nkau mung hkala hkrum nna, dum nta nawku jawng ni hten za hkrum mat ai lam chye lu ai.
Bawm yam gudawng kapaw wa ai gaw, Hpakant Lawng Hkang kaw dap jung nga ai gumshem Myen hpyen dap ni gap dat ai laknak kaba si company wang na bawm yam gudawng kaw wa hkrat kapaw ai majaw, ya na zawn byin wa ai re nga nna ginra masha nkau tsun maram nga ai raitim, shiga lawng lam hkrum tsup hpe matut sagawn nga ai re.
