Hpakant Ginwang Htunghking hpung ni woi awn nhtawm Chyurum Wunpawng Htunghking hpung manau wang hta Hpun hkai ai lam galaw nga
Hpakant Ginwang Htunghking hpung ni kawn woi awn nhtawm Maw Wan mare Chyurum Wunpawng Htunghking hpung manau wang hta daihpawt hkying 8:00am aten kawn hpun, kawa hkai nga ai lam na chye lu ai.
Hkai bawng ni hpe Green Land kaw nna garum jaw ya ai rai nhtawm Maisak, Maisaw, Kawa Wara, Wasang hte kaga hpun hpan ni hpe hkai nga ai lam chye lu ai.
“ Yaw shada lam gaw anhte a Hpakant Ginra hta hpun kawa ni mung nnga wa ai, yawng hten wa ai re majaw tsit tsawm na matu hte hpun kawa ni kaba wa yang gaw lamu ga gyi sharu ai lam ni mung nnga wa hkra ngu yaw shada let hkai ai rai ga ai. Matut nna mung Mazup Yang Gaiwang Maden yang kaw anhte htunghking hpung ni kaw nna Eka 66 nga ai shara la da ai. Dai hta mung Green Land kaw nna sha garum jaw ya ai hkai bawng 3000 hpe bai hkai na masing ni nga ga ai” nga nna Chyumrum Wunpawng Htunghking Komiti Amu Madu Du Wa Lawhkum Sing Gyi tsun dan ai.
Ndai hpun kawa hkai ai hpe dai ning shawng ningnan galaw hpang ai rai nhtawm Green Land kaw nna garum jaw ya ai hkai bawng yawng 2000 hpe 2 ya tup hkai na re lam, ျမိုဳ့နယ္အုပ္ခ်ဳပ္ေရးမွဴး၊ ရဲမွဴးျကီး၊ ျမန္မာနိုင္ငံအမ်ိဴးသမီးေရးရာအဖြဲ့၊ Green Land, Htunghking hpung ni hte Komiti kata na mung shawa ni yawng 200 daram shang lawm nna hkai ai re lam chye lu ai.
