Hpakant hta lam hkawm shawa n-gun madun ai hte kyuhpyi hpawg galaw
Hpakant mare hta October, 10 ya shani hpyen majan hpe ninghkap lam hkawm shawa n-gun madun ai hte kyuhpyi hpawng galaw ai lam na chye lu ai.
Kachin ginra hta Myen asuya hpyen dap kawn htu shadut htim gasat nga ai lam dawm jahkring kau ya na matu, Rudi amyu sha ni nga ai ginra shara shagu de Myen asuya hpyen dap kaw na htu shadut htim gasat ai lam hpe dawm jahkring na hte
Hpyen yen tsinyam hkrum nga ai mungchying sha ni tinang a buga ginra de myit simsa hte wa nga lu na matu, shawa n-gun madun ai re lam hpe chye lu ai.
Dai lamang hpe jahpawt hkying 8:00am aten Mashi Kahtawng buga hta zup la nhtawm Maw Wan gat pa hta hkying 9:00am kawn 11:00am aten du hkra majan hkoi tsai na matu akyu hpyi hpawng galaw ai lam hte hkaw tsun hpaw galaw ai lam na chye lu ai.
Lamang hta mungshawa marai ( 5000 ) jan shang lawm nhtawm Hpakant mare hta shinggrup shawa n-gun madun ai hpang Mashi Kahtawng kaw bai wa zup nna magun bu akyuhpyi hpung dim da ai lam na chye lu ai.
