Hpakant lam kaw Myen hpyen hpung hte KIA ni gasat gala majan byin

KIA Dap Ba ( 9 ) Dap Dung ( 6 ) ginra rai nga ai Hkrai Run ( တံတား ညီေနာင္ ) hte Woi bum sa lam kaw Hk.L.Y ( 255 ) dap hte KIA hpyen hpung ni, April praw 6 ya jahpawt hkying 5:25am aten hta gasat gala majan byin ai lam, shawnglam shisawk ni shana wa ai.

Gasat majan byin ai shara grup gra de, Myen hpyen dap ni gaw Helicopter nbung li 2 hte bawm wa jahkrat gap bun nna hkying 1:30pm aten daram hta Myitkyina de bai nhtang yu mat sai lam chye lu ai.

KIA Dap Ba ( 3 ) Dap Dung ( 1 ) ginra, Lung Ja bum kaw dung ai Myen hpyen dap ni mung, dai hpawt manap hkying 3:00am aten daram kaw na KIA hpyen hpung ni nga ai Lajawng bum grup gra de laknak kaba hte gap bun nga ai lam, buga masha ni kawn chye lu ai.