Hpakant lung seng maw kaw ga sharut gyi nna masha marai lahkawng asak si sum

Hpakant, ဘစမ္ေျခာက္ mare makau na ယြန္းေရႊရီ company wang kaw lung seng sa tam ai Yemase la marai lahkawng December 27 ya shana yup tung hkying 12:10am aten hta ga gyi ru wa ai majaw asak si sum mat ai lam chye lu ai.

Asak si sum mat ai yan gaw hkan nau majing rai nna kahpu ေမာင္၀င္းေမာ္ထြန္း asak 33 ning, kanau ေမာင္စုီးေအာင္ asak 23 ning yan re. Seng Tawng mare ding sa sa wa ai lam na Bum Ra Kawng lawk langai kaw nga ai re lam, Seng Tawng mare na Salang langai tsun dan ai.

Moi mang hpe gaw Hpakant tsi rung de htaw sa da ai, makoi mayang ai lam hpe December 28 ya shani galaw na re lam chye lu ai.

Company ni bawm gap kanan da ai kaw jak kasha ni hte bai sa htu ai majaw, ya na zawn byin ai lam law law nga lai wa sai re hpe Salang wa tsun ai.